A Semana de Poesía Salvaxe de Ferrol despídese após 15 anos de actividade
A Semana de Poesía Salvaxe-A Palabra Encarnada, logo de quince anos izando Ferrol de palabras e música, anuncia a súa despedida, logo de que o Concello de Ferrol non colabore na cita, igual que o pasado ano. Os organizadores anuncian que terán que rematar esta edición "cun micro crowfunding para tratar de facer algo digno e ter un final decoroso".
Petición de apoio
En todo caso, o festival fará "con paixón e determinación" un último esforzo para despedir un festival polo que xa pasaron poetas como Manuel Rivas, Olga Novo, María do Cebreiro, Manolo Cortés, Xiana Arias ou Emma Couceiro, entre outros.
Os organizadores do evento, fan "unha afervoada petición" de apoio económico e anímico, recollendo sinaturas e encomendándose, nesta derradeira cita, á xenerosidade popular. Os cartos destinaranse a pagar hotel, viaxe e os gastos que xurdan. "Faremos realidade este XV encontro ca poesía como arma de construción masiva" remata o comunicado que fixeron público.
